Biografia

 I sun nasciü a Treviso tl 1957, fi de Antonino, en sicilian amant dl bel y porsona de gran generosité, y de Gesuina, en ala sterscia, da coraje, cun na gran inteligënza y n amur sёnza confins pur sü sis mituns.

Bel' tles elementars, desmostrâi na gran pasciun pur le dessigné: al me savô bel da copié cun le lapis dessëgns de vigni sort: comics, paesaji, e.i.i. – chirin la somianza cun i sogeć.  Tla scora mesana ài imparè les tecniches basiches dl corù y i sun restè afasciné. Al me savô bel da dessigné cun lapis y corusc, ćiaran tres ala somianza dla reproduziun.

La nezescité me sbürla tosc al laûr, che i afrontâi, ćiamò bindebò jonn, cun serenité. I sun cosciënt de podëi chirì y rafiné la ligrëza pur le bel inće ti laûrs plü scёmpli. Tratan la jonёza, depënji valgönes “tele” cun corusc  a tempera, tl tentatif de restabilì n efet de löm via, sciöche i le odô ti libri de ert.

Ti agn dedô, proi da depënje a öre, sciöche autodidat, cina che incunti Ester, fia de n artist “vero”, che me motivëia cun forza da jì inant chёsc tru. Al é ala che me organisëia mia pröma mostra.

Insciö mët man na perioda nöia: i partezipâi a deplü mostres coletives y valgünes personales, olache i vëighi les prömes sodesfaziuns sia de critica che de venüda. Apascioné de etnografía y de atres cultures, depënji gian figöres umanes de paîsc dalunc, cun l’aiüt de fotografies fates da compagns viagiadus, o i me ispirâi da vigni sort de fotografies fates al mumёnt che i ciafi tles mans. Mo, i ne lasci nia sö na pert les natöres mortes y les contrades, che i pro da trasportè sön “tele” cun le medemo conzet, scëmpl mo eficaz:

“ Sce i po me l’imaginé rové, spo poi inće le fà”.

.

Critica

Leggi...